ابڙو اڪيڊمي Abro Academy
2020-07-19
داخلا نمبر 560
عنوان چيهو (ڪارو ڳاڙهو)
شاخ پکي
پڙهيو ويو 340
داخلا جو حوالو:
چيهو (ڪارو ڳاڙهو)
هي ننڍڙو پکي 16 سينٽي ميٽر جسامت جو آهي. ان ۾ هنڌ ماڳ سبب رنگ جو فرق ٿي سگهي ٿو. نر ماد جا رنگ جدا جدا آهن. نَر جو مٿيون رنگ گهري سرمائيءَ کان هلڪو سرمائي ٿئي ٿو. ڳچيءَ جو رنگ گهري سرمائيءَ کان ڪارو، پيٽ گهري نارنگي رنگ کان اڇي رنگ تائين هوندو آهي. ماديءَ جو پيٽ نارنگي هيڊي رنگ کان اڇو هوندو آهي. ٻچو ماديءَ جهڙو ٿيندو آهي پر ان جا مٿيان حصا هلڪي رنگ جا ٿين ٿا. ان جي ٻولي تيز آواز ”سُوئي ... سُوئي ...“ وانگر آهي. لَڳ جي مند فيبروري کان آڪٽوبر اٿس. آکيرو ننڍڙي پيالي وانگر هوندو اٿس جيڪو عام طور وڻ تي مٿي ٺاهيندو آهي. ڏسڻ ۾ ڪاري-ڳاڙهي ڦِدي (Black-Redstarl) جهڙو آهي پر هن جي پرن تي پاسي کان ڪي نارنگي يا هيڊا کنڀ پڌرا هوندا آهن ۽ ڳچيءَ وارو ڪارو حصو گهٽ هوندو آهي. هي ماحول : 6 جو پکي آهي.